足本訪問： 麥大力娶簡淑兒變喊包賴有蟲入眼 豪言生夠一隊足球隊：「我大力！」 陳婉衡明年接力做人妻 余思霆預做包尾大幡

【Viu】Derek麥大力同Jessica簡淑兒5月初喺意大利舉辦婚禮後，今日喺香港舉行婚宴，雖然新郎哥錫錫新娘子嗰陣狀甚尷尬，但被問到造人計劃時，Derek就信心滿滿話隨時Ready：「Very Strong！我大力！」仲揚言要生隊足球隊，聽到Jessica滴晒汗呀！講返啲浪漫嘢先，Jessica親解喺意大利搞婚禮嘅原因，並非因為想做王子同公主，而係因為老公係軍事迷，仲踢爆老公一度想揀「監獄系古堡」行禮，會唔會太Funny呀！不過，兩位都話婚禮過程充滿感動，Jessica自爆當爸爸拖住自己入教堂已爆喊；Derek就話自己係咁啱有蟲飛入眼，仲笑老婆唔記得愛的宣言就唔使履行，果然係鬼仔性格呀吓！此外，擔任姊妹嘅陳婉衡將會接力做人妻，預計明年嫁圈外男友；余思霆就預咗包尾出嫁，一啲都唔心急！而黃美棋、朱智賢、翟威廉、黃淑儀、岑杏賢及張達倫等都有嚟飲喜酒，想感受麥生麥太嘅幸福就睇足本訪問啦！ 瀏覽 Viu網頁觀看影片 瀏覽 Viu網頁