周吉佩「抱B」手感十足 想屈老婆生多件？

周吉佩（吉吉）近日推出新歌《GUTS》MV，獲一班「吉S粉」（粉絲暱稱）於尖沙咀大搞應援展覽支持，他指太太亦有到場支持他，當然亦有幫手打點，自己也在應援T恤上給予意見，望加添時尚感。 吉吉帶來MV中的BB公仔，作為展覽一部分，他笑言抱起BB公仔時手感十足，也懷念昔日湊B的時光；現在女兒和兒子分別10歲和7歲，問他會否考慮再添丁？他指太太無意再懷孕：「太太佗兩胎都嘔得好犀利，又擔心身材走樣，所以冇計劃再生喇，我本來只係諗住生一個，聽到太太想要2個，我哋就生咗2個，依家仲要栽培佢哋，都真係唔簡單。」