十大中文金曲︱AGA疑唔續約飛澳洲陪父母 自爆未有結婚諗法

歌手江海迦（AGA）昨晚在「第46屆十大中文金曲」頒獎音樂會中只奪得「優秀流行歌手大獎」1個獎項，問到可滿意成績﹖她則說：「好滿意今年自己嘅努力，今個月會出一隻概念碟，係自己年半嘅心血。」對於有傳她將約滿環球唱片，AGA坦承本月（6月）將約滿公司，完約後會先回澳洲陪伴有小毛病、要接受手術的父母。問到是否不打算續約環球﹖她說：「未開始傾，返嚟先，想寫啲歌再慢慢計劃，想專心去陪屋企人，好好去諗下一步。」 近期有傳神隱兩年多的鄭欣宜（Joyce）已簽約加盟環球唱片，是否受到影響而離開公司﹖她說：「唔關事，我同好多人一樣都好掛住佢嘅音樂，大家都好想再見到佢造歌。（環球出現歌手離巢潮？）自己喺公司12年，好感恩一切，由一個素人變成歌手，好多作品佢哋都好用力去栽培，非常感恩。（離巢宣言？）呢排真係好擔心爸爸媽媽，所以好想返去陪佢哋。（公司有冇搵你傾續約？）佢哋好好，畀咗好多空間我，佢哋都知道我會返澳洲。（其他公司搵你加盟﹖）未有呢啲計劃，都係諗住陪屋企人先。（準備生仔？）No，未有呢個諗法，睇緣分。（準備結婚﹖）都未有呢個諗法。」