足本訪問：姜濤親述墮海經過 輕微割傷手 身體無大礙 按原定計劃精神奕奕飛巴黎出席時裝周 坦言嚇親父母 感謝市民救助 認做錯誤示範 「第一次，亦係最後一次！」

【Viu】姜濤@MIRROR今晚飛巴黎出席fashion week，亦係自佢噚日跑步不適出意外後首見傳媒，超過五百位姜家人一早就喺機場霸位守候Support偶像！ 姜Admin以一身品牌look，大約喺夜晚10點20分左右到達機場VIP通道，佢精神奕奕咁企定定畀傳媒影相，隨後接受訪問，報平安表示冇事，一切安好！佢又指醫生批准佢出院，而姜Admin亦自覺身體無大礙，只係被救嗰刻有割傷少少手，加上唔想外間再對佢有其他猜測，所以自己嘅意願係想開工出嚟做嘢！ 講到意外事發經過，姜Admin再三表示純粹係意外，否認情緒有問題，當下跨欄係想欣賞夕陽放鬆吓，對於做咗一個錯誤嘅示範，佢就叫大家唔好咁做！姜Admin感謝救返佢上嚟嘅市民，又指父母都有嚇親，事後有向佢哋解釋！最後姜Admin雙手合十致謝完，再轉身向姜家人揮手講byebye！即刻去睇足本訪問！ 瀏覽 Viu網頁觀看影片 瀏覽 Viu網頁