足本訪問： 方皓玟自封「波多野結婚」 想Yo「阿樂」George孭十字架 fans「告解」 變示愛？細心諗定「贖罪」橋 預告10月出碟 欲孖謝安琪開Part 2合體騷

【Viu】「小明」Charmaine方皓玟今日上新城宣傳新歌《Iz Gona B ok》，講到今次featuring結界師，小明搞笑話被三子嗰團火「燒親」，錄音嗰陣亦笑料百出！小明喺新歌MV化身「得閒修女」聽人告解，咁啱最近電影《不赦之罪》都係關於神父、修女，小明靈機一觸話可以yo「阿樂」George@P1X3L一齊孭十字架，仲抵死自封「波多野結婚」添，真係SLDPK！小明又自爆有唔少fans向佢「告解」，所以佢都諗定條「贖罪」橋畀fans，轉數超快！有follow開小明IG就見佢呢期拍咗唔少短片，其中有個系列叫「懷疑老母」，佢笑話做媽媽的確遇到唔少難題，特別喺做功課上，佢係完全唔會教囝囝，全部交晒畀補習老師！話咁快又到暑假，小明會唔會諗活動諗到頭痕？點知佢笑話頭痕嗰個反而係囝囝，點解嘅？另外，小明唔止預告10月會出新碟，仲透露埋11月有機開海外show，香港嘅話就可能喺出年！雖然佢指都好期待再同Kay謝安琪開Part 2合體騷，但現階段想諗咗個人騷先，咁就留名等小明宣布開騷好消息啦！ 瀏覽 Viu網頁觀看影片 瀏覽 Viu網頁