足本訪問： 張繼聰跟林峯學「表櫈」要食止痛藥兼搽油 自爆結婚多年變寡言 即唱「Ad lib」嚇窒女神 獲姜濤短訊回覆 望約打波再儲「勝利片」 Stephy祝福方力申做老竇 阿聰知埋BB性別？

【Viu】林峯、Stephy鄧麗欣同張繼聰今日出席拉闊音樂會記者會，首次合作開騷梗係要玩到盡，Stephy即席教兩位人夫跳《心急人上》，阿峯就教「表櫈」，阿聰仲話不如拎埋路牌出嚟玩「地盤風」，又笑言無懼挑機「表櫈」同「人肉風火輪」，最多食定止痛藥做「一次性表演」；林峯聞言即搞Gag話會贊助活絡油，又建議阿聰加設半粒鐘Talk Show。當阿聰自薦要為兩位伴舞同唱「Ad lib」 時，Stephy面都青埋求放過，笑爆全場！講到方力申宣布即將榮升嗲哋，Stephy大方送祝福；阿聰仲話已經知道BB性別，但要幫老友保守秘密。另外，阿聰表示有短訊慰問姜濤，亦獲得回覆，希望可以約阿姜打波Relax吓咁話！想知三位點解做做吓訪問要合埋眼？記得睇足本訪問啦！ 瀏覽 Viu網頁觀看影片 瀏覽 Viu網頁