周杰倫香港唱完即撲去睇溫布頓 同昆凌孖公仔冧豬現身

台灣天王周杰倫日前來港踏足啟德開唱，估唔到佢前腳走人，後腳就孖住老婆昆凌前往英國，仲走去睇溫布頓網球公開賽次天賽事，行程真係非常緊密，被網友大讚係真正嘅「空中飛人」。佢哋仲先後晒出英國當地風景照，唔少網友亦喺比賽現場都偶遇男神，兩人一致地以全黑打扮現身，亦合拍咁戴上墨鏡，仲獲網友見證佢同太太寧靜捱暴曬都要睇波，對網球嘅熱愛度都不得了。