黃婧靈轉玩復古相機憶童年 意義深重執着感覺

近年翻興CCD相機，不少圈中人也四出尋寶入手這個Y2K產物，藝人黃婧靈（波波）最近也成功入手一部二手相機，她在社交網晒相，跟粉絲分享她的新玩具，見她在公園中左影右影兼自拍，玩得相當開心。 波波接受東網訪問，她表示一直也對攝影有興趣：「特別係影一啲靚嘢同埋得意嘅嘢，除咗自拍之外，其實我都鍾意影低一啲好可愛嘅Moment，會令我諗起細個嘅時候，我同細佬成日都一齊玩嘅開心時光。呢部Mini嘅復古相機就係我手袋入邊嘅其中一個必需品。」她指雖然以手機拍攝相對方便，但相機拍攝的照片質感與味道截然不同：「同埋我係嗰啲好鍾意紀錄生活嘅人，我有時候真係會攞番出嚟睇㗎。有啲人可能會好Care要呢個角度，我自己就會執着喺個感覺多過佢嘅構圖。」她笑言按下快門的一刻，捕捉到當刻的人、物甚至情緒，讓她十分滿足。