Edan演唱會請重要人物做嘉賓 林明禎未必有份

藝人呂爵安(Edan)近日夥拍韓國男神李帝勳合拍韓劇，8月又即將迎來香港第二個個人演唱會，事業運喜事成雙。今年是Edan出道第7個年頭，是次演唱會引證了他的成長，由黃毛小子變得成熟，他準備出動銀彈攻勢力邀陪伴他成長的妹妹「小如豬」做嘉賓，另一陪伴他渡過不少難關的緋聞女友林明禎就繼續避談。 人氣男團MIRROR成員呂爵安（Edan)定於8月16及17日在亞博舉行兩場《EDAN LUI e to E Live 2025》演唱會，是他第二個個人演唱會，對上一次個唱是兩年前，一如以往，開騷前都會緊張和擔心，給自己很大壓力，他表示：「以前好似一個𡃁仔去挑戰，硬住頭皮去做，希望今次畀人感覺唔同，舞台表演成件事都成熟啲，正如演唱會主題係e to E，呢7年成長好多，好多不同轉變和進步，想畀大家睇到呢個不同，大個仔呀！」他自爆每逢演出前一星期就會感冒、喉嚨痛不適，壓力大到缺乏笑容，近年表演機會多了，學識享受舞台，讓觀眾看到他鬆容一面。演唱會前會推出一專輯，收錄了Edan較少唱的曲風，會比《月光奏明曲》和《霸道總裁》更澎湃的跳唱歌及Band Sound外，還有一首給粉絲的歌。 演唱會中一定會有鋼琴表演，會否配合Band Sound學習一種新樂器？Edan表示未必能趕及練習，他說有粉絲問他會否表演擅長的小提琴，但有感重新練習需時，所以今次演唱會都未必會拉小提琴，但透露這會是一個極具Edan特色的演唱會，至於何謂極具Edan特色？他露口風：「想發揮創意驚喜畀大家，唔可以講得太實，因為仲構思緊，(Talk Show？)上次做過Talk Show，今次都想做，可能自己一個人，都要問吓阿正(黃正宜)意見先。」 呂爵安為演唱會正努力操肌，希望身形更fit，騷肌程度就要視乎舞台服裝設計，笑言：「露少少囉！」預計開兩場，若反應好有機會加開，也想學Ian去海外巡迴，跟海外粉絲見面也不錯。提到嘉賓人選，希望請到未合作的歌手，戲言想請偶像周杰倫，問嘉賓都是重要的人？「請得都係重要嘅人，（請林明禎？）呀⋯應該未必，（請她睇？）再算啦！」 問到會否戻請妹妹「小如豬」擔任嘉賓時，Edan先Wow了聲讚主意不錯，不過對方未必答應。Edan妹妹呂蕙如今年20歲，在港大讀牙醫，Edan說：「佢比較怕醜，其實阿妹唱歌跳舞都好犀利，想同佢兄妹檔，有得諗呀！要畀動力佢，可能畀獎金，阿妹第日要做牙醫，要搵定錢先！」他指之前邀過她合拍唱歌和跳舞片，直言妹妹以前好反感，但大個後發覺避無可避，惟有面對現實。他說跟妹妹關係如朋友，會互相鼓勵，對於妹妹冇人追，Edan可會介紹男仔給妹妹？他說：「之前《膠戰》就話介紹『肥腸』畀佢，岑珈其問過如果肥腸介紹你妹得唔得？我話唔得，唔好啦！唔係肥腸唔好，怪怪哋！（唔可以係你朋友？）怪怪哋，想像唔到，佢冇人追係因為個樣太似我啫，不過我都有男仔鍾意。」 化妝、髮型：San Chan、Jenny Fung;Man Chan @ CHIC Private I Salon 場地：KERRY HOTEL HONG KONG