Ivy So孖神秘男子茶樓飲茶 疑新戀情曝光大方任影

女團Collar成員Ivy So貴為上位女神，佢嘅感情世界獲大眾關注，僅認過中學後已冇拍拖嘅佢，就曾表示未來嘅伴侶需要身高1米80，恍如韓劇中霸氣總裁咁百般呵護，似乎一轉身女神就已經搵到真愛。 最近有網民分享自己日前巧遇Ivy So現身茶樓飲茶，佢除咗親民答應粉絲合照外，Ivy So更被目擊同一名背心神秘男子一齊用餐，疑有新戀情。由網民上載嘅相見到，Ivy So當日以紅色吊帶背心配搭短褲示人，心口脹卜卜，又露出迷人長腿，更同粉絲熱情合照，親民到爆。全程展現燦爛笑容嘅佢，身邊更出現一位神秘男子，二人看似關係非淺，男仔外形更似足Ivy So早前表示嘅伴侶條件，令人好奇二人關係。