港男幫襯「手撕雞天花板」名店中伏！ 怒轟$70份量大縮水 外賣雞少過青瓜絲 網民群起分享中伏經驗！

百物騰貴，就連餐廳食物份量亦在不斷「縮水」。早前，有港男在社交平台上發文，怒斥一間被譽為「手撕雞天花板」的知名食店，指其外賣手撕雞份量嚴重縮水，要價$70的手撕雞份量竟然「少過青瓜絲」！帖子引起網民熱議，不少人紛紛分享自己在光顧該店的「中伏」經歷，即看下文了解詳情。港男幫襯「手撕雞天花板」名店中伏！ 怒轟$70份量大縮水早前，有網民在Threads上發文，指他在外賣平台Keeta光顧一間被譽為「手撕雞天花板」的知名餐廳，點了一個要價$70的手撕雞飯。怎料他收到外賣後，卻發現盒內的手撕雞肉極少，甚至連配菜青瓜絲的份量都比雞肉還多！根據事主上傳的照片可見，盒內青瓜絲堆積如山，但雞肉卻只有零星幾塊。對此，事主直呼「中伏」，怒轟店家偷工減料，「70幾蚊啲雞仲少過青瓜絲，叫手撕青瓜飯好過」，更呼籲其他食客不要再光顧這店，以免同樣「中招」。網民群起分享中伏經驗：呢間嘢伏到嘔！帖文一出，隨即引起網民熱議，有不少網民留言分享自己在同一間店的「中伏」經歷，「太安樓都好似有間，食過次，都係伏到XX，成日喺到諗，呢啲咁難食嘅舖點解可以係咁開分店」、「呢間嘢伏到嘔，手撕雞冇味又少，最正常係啲青瓜絲，成盒飯硬都算，仲係生嘅，我都未試過成盒掉左，伏到」、「食過佢分店，都係唔好食」。有網民笑言，「買瓜送雞」、「叫手撕瓜算啦」、「佢做乜咁唔小心撈青瓜嗰陣跌左啲雞絲落去」；但也有網民認為是分店差異，「吓，點解我行去買都係一大兜」、「咁樣嘅，我喺將軍澳買覺得好好食 而且唔係咁多青瓜絲，好正常的，咁大差別嘅」。圖片及資料來源：Threads@tszhangy文：Y延伸閱讀：歐陽萬成推介灣仔麵店 大讚牛丸爽腩出色 網民跟風幫襯感中伏 河粉吃出1物 店員反指正常？