港姐複試︱海外參賽者靚女多 港英混血兒撼劍橋研究生

今屆香港小姐第二輪面試今日（4日）舉行，評審經過篩選後，於140位面試者中挑選出多位女仔晉級第二輪面試。今早9時許已有大批準佳麗陸續現身電視城，當中就見到多位未曾曝光嘅海外佳麗首次見人，眾女姿色出眾，當中包括美國返港、23歲馬金兒（Bowie）；多倫多醫院做營養助理、26歲Tina；英國讀大學一年級讀生物醫學、20歲港英混血兒Alison等，當中Alison笑容甜美，谷胸又晒腿，令人眼前一亮。 另外亦見多位名校高材生選賽者，就好似劍橋大學研究生、24歲Miranda；澳洲讀Marketing碩士、26歲黃心怡等，黃心怡更係由媽咪陪同到場，齊齊大方合照，未有懼怕媒體鏡頭。