洪永城被囡囡傳染手足口病 爆逾60粒痱滋

藝人麥美恩（Mayanne）和洪永城（Tony）今日（5日）出席慈善活動，原來2人已很久沒有合作，Mayanne早前返加拿大放假，透露在加拿大時早認識慈善家舍服務，希望能夠親身到香港的家舍探訪患病的小朋友。 身為爸爸的Tony直言小孩患病，父母心痛加倍，他透露早前女兒患上手足口病，並傳染給他：「我女口腔有20粒痱滋，我有60幾粒，你話我幾痛！」Tony想多帶兩女做慈善探訪，希望她們學懂珍惜擁有，不要太扭計，笑言：「有時真係唔想認佢哋，但佢哋同我太似樣，唔可以唔認，搣唔甩。」他教女時較嚴肅，因為想女兒成為一個有家教的小孩。他又透露全家女人都欺負他，包括工人姐姐和狗狗，每日生活在恐懼中。近日他找到新玩意，與20、30藝人名人組網球隊，以波會友外，又會一齊參與做善事。 2011年參選港姐入行的Mayanne，知道2025香港小姐競選進入第二輪面試，之前樂易玲飛多倫多和溫哥華揀選高質素的海外佳麗，她認為是好事，可以發掘更多美女：「喺加拿大選美係盛事，公司專程飛去面試咁有誠意，非常之值得。」她分享選美貼士，就是要做自己，不要同其他人作比較，Tony說：「如果佳麗唔講嘢呢？」Mayanne笑言不說話也是性格，相信經公司訓練之後，便會蛻變及會找到自己的舞台。