Anson Lo生日Popup Store打卡 大擺甫士派心「慰粉」

本月7日是MIRROR成員「教主」Anson Lo的生日，其後援會舉行了連串活動為教主慶生，當中包括名為《Anson Lo & Sontos-Together We Glow Popup Store》，店內以粉紅色為主題，有不少打卡位置及期間限定的周邊售賣。Anson Lo今日（6日）在社交網晒出到Popup Store打卡的靚相，大晒不同甫士及派心心。 而同日後援會舉辦重磅生日活動「Anson Lo Charity Pet Walk」，吸引近4千名神徒參與，同日更創造「最大規模狗狗掌印展示」世界紀錄，共收集1008狗隻掌印。雖然Anson Lo未有現身，但也心繫神徒，甫靚相之餘，也不忘發文叮囑：「辛苦了你們每一位，小心中暑，記住多喝水、搽防曬、補防曬、互相照顧，不要讓我擔心。」 此外，Anson Lo還派出代表參與慈善步行，由Anson Lo家姐「教姐」Sharon與愛犬Amber主持起步嗚槍活動，眾多神徒爭相與Amber影相，成為會場「限定打卡點」，場面相當搞笑，Sharon表示感謝神徒為教主慶祝生日，盼樂迷繼續為社會弱勢社群付出：「多謝大家愛錫細佬，好開心參與呢日嘅活動！平時Amber都好珍惜同Anson相處嘅時光，因為細佬未必可以日日都陪住佢，早前細佬休養期間，Amber都成為細佬嘅精神支持，成日癡住細佬。平時同Amber落樓散步時，見到細佬啲廣告都會話比Amber知呢個係『哥哥』，不過佢都好似唔太認得咁。」Sharon透露Anson Lo曾考慮帶同Amber跑步，但擔心運動量太大所以放棄。