現場實況： 林家謙任Tyson個唱嘉賓人到禮又到 獲捧做啟德插水第二人 驚叫：「唔好抽水啊！ 」 TY台上唱生日歌贈老婆 公開咀嘴放閃

【Viu】Tyson Yoshi今晚喺啟德體藝館舉行第二場個唱，請嚟老Best林家謙任嘉賓！ 家謙著得相當密實，唔似得第一晚嘉賓YT周殷廷咁「裝假狗」騷壯健Body！   但Tyson都好霸氣咁推家謙一把，令佢成為喺啟德插水嘅第二人！ Tyson搞笑話：「林家謙你唱歌真係好難聽，好想扔你落山！」家謙畀觀眾接住咗之後，就溫提大家：「唔好抽水啊！」  之後，家謙同Tyson合唱《特倫斯夢遊仙境》，Tyson仲揹起家謙扮個唱嘅poster，好fun！ 兩個人之後喺台上繞場一周，Tyson話阿妹想要家謙紅館騷嘅飛，後來又話唔想阿妹睇家謙，你越唔想佢越要做，然後家謙就話要請Tyson妹睇啦。  當然，家謙人到之餘禮亦到，佢向榮升人夫冇耐嘅Tyson送上新婚禮物，就係親作歌相贈，認真識做！ 家謙話：「你可以唔用嘅，都唔駛唱嘅！」Tyson直接話好大壓力，仲話：「你啲嘢唔係人唱！」 而家謙喺落台前仲話：「後台都有個大禮、大驚喜」，仲叫Tyson唔好嗌出嚟！  另外，Tyson又喺台上向今日生日嘅老婆仔Christy唱生日歌，仲爆Christy趕住飛去歐洲處理婚禮事宜。兩個人最後都有大方咀嘴，閃到爆！   瀏覽 Viu網頁觀看影片 瀏覽 Viu網頁