素兒莎丹娜聲演彼思動畫《外星奇遇記》兒子搵到共鳴

迪士思彼思電腦動畫新片《外星奇遇記》（Elio），講述父母雙亡的11歲男童Elio經常被欺凌，感到無法融入社會，於是渴望找到外星人，去一個接納自己的地方居住。機緣巧合下，他向外星人送出聯絡訊號，被誤當成地球大使，還接他去與其他外星文明建交，面對一系列艱鉅的考驗，解決星際危機！ 聲演Elio太空人姨姨的是美國女星素兒莎丹娜（Zoe Saldaña），她受訪時提到3個兒子都看了《外星奇遇記》：「佢哋立即投入到個故事，我諗大家都可以對Elio主題有共鳴：感覺到自己好似外星人咁，感覺到你搵唔到屬於自己嘅地方，好想搵到一個接納自己嘅社群，做到真正嘅自己。我啲細路好鍾意套戲。」她又談到錄音的秘訣：「今次唔係我第一次為動畫配音，我覺得明多咗要點做，前一日要多休息，錄嗰日就要食好多青蘋果，因為對把聲好有用，佢會令你把聲軟咗，唔會喺錄音室錄到爆聲。同埋尖叫戲份要放最尾，先完成所有對白同感動場面，然後就錄要整好多聲出嚟嘅場面。」