鮮娛糧｜黃心美為愛犬拗柴 睇跌打痛到人都癲

藝人黃心穎近日自資6位數字推出第4首個人單曲，心臟強大，繼續追夢，至於家姐黃心美就冇咁好彩，她在社交平台分享為狗狗Bacon慶祝16歲生日，原本開開心心，誰知一個不留神在樓梯踏空導致拗柴，她說：「好彩Jo媽喺黃金治療時間帶我去睇跌打，捽跌打酒嗰陣痛到人都癲，捽捽吓啪一聲番正個位。我一定會好快好番，因為跳繩隊需要我，因為跳繩隊得我一個。」雖然她是拿蛋糕回家時意外拗柴，心美依然最多謝Bacon：「帶畀我好多歡樂，要健康開心，食得瞓得痾得。」