AK同ANSONBEAN玩「BL」 豁出去接吻都冇所謂

MIRROR成員Anson Kong（AK）與早前因心理問題宣布暫時娛樂圈的ANSONBEAN今日（6日）出席電影開鏡，談到兩人在劇中玩「BL」，AK稱不會去定義戲中兩人的戀愛關係，ANSONBEAN表示為準備角色，看了很多相關的電影，並刻意減磅，由76公斤減至67公斤，至於AK就為角色而剪短髮：「我自小學後都冇剪過咁短嘅頭髮，都幾新鮮。」 講到尺度問題，ANSONBEAN直言導演所拍的題材向來大膽，問他會否怕被AK的鬍鬚「吉親」，他即反問：「點解？」當追問兩人是否有接吻及身體接觸等親密場口時？兩人均大賣關子，指仍未收齊劇本，很多地方要現場作調整，AK揚言：「接得呢個工作，我做乜都冇所謂，最緊要係合理。我之前拍戲都試過同女演員錫，同男演員或女演員錫都好都係角色，而唔係我本人，拍呢類題材嘅戲反而幾好玩，因為人生冇幾可。（需唔需要露身材？）未知，好多場口都有想像空間，我都要操弗啲，因為ANSONBEAN好大隻，如果真係有必要除衫，視覺上都好睇啲。（拋開偶包？）由我剪髮起已經係拋開偶包第一步，其他MIRROR隊員見到我個髮型都嚇親。」ANSONBEAN亦笑言要將偶包大大力拋走。 另外，問到ANSONBEAN是否已康復？他表示：「係，我自己諗通咗，我好想喺呢行工作，會珍惜每個機會同做好每個角色。（醫生話你適合復工？）我冇睇生，我係有個精神健康嘅App。我冇諗過咁快可以復工，啱啱我同公講我可以工作，跟住就還到呢個劇本，我覺得好有共鳴，所以決定要把握呢個角色。（有冇問女友意見？）佢OK。（呢段時間女友幫你好多？）係，佢好支持同鼓勵我。」 此外，提到昨日MIRROR同陳奕迅（Eason）同台演出，AK表示感覺夢幻：「第一次綵排時，佢逐個同我哋握手，仲講得出我哋所有人嘅名，真係High到飛起。（你係佢粉絲？）邊個唔係。記得10幾年前我仲係舞蹈員，人生第一次做演唱會，Eason都有嚟睇騷，我當時同佢影咗張合照，估唔到自己鍾意嘅偶像，10幾年後可以同佢同台，真係非筆墨所能形容。（有冇同佢講想合作？）時間太短，我哋已經好厚顏，明知阻住其他人，但我哋每個成員都逐一同佢合照。」問到現場有否慰問早前墮海的姜濤？他稱有，但未有多問，因想給對方空間，至於會否叫對方覆短訊？他笑言：「每個人都有自己嘅習慣，冇乜需要去改。（Anson Lo手術後再跳舞，佢情況點？）大家都好OK，好安全同健康。」