陳詩欣第3輯孕照老公終於現身 承諾BB出世唔會搶地位

藝人陳詩欣與男友Joshua拉埋天窗後，經過3年努力終於造人成功，即將迎來預產期的她，早前晒出兩輯孕肚寫真，但都未見她老公的身影。近日她再次晒出懷孕35週時拍攝的寫真，今次終於有埋Joshua，從相中可見，陳詩欣身穿連身長裙，整個人充滿溫婉氣質，夫婦二人齊齊撫上孕肚，期待著兩人的愛情結晶的到來，臉上不禁洋溢幸福笑容，而另一張相中二人更甜蜜對望，大放閃光彈，迎接即將成為一家3口的未來。 陳詩欣更分享拍攝時發生的小插曲:「致親愛的陳準爸爸，還記得拍照的時候，你跟攝影師說，遲啲阿仔出咗世之後，男主角不再是你，我嗰下笑笑口心諗都有可能係，但係一收到呢輯相之後，我覺得好感動，因為肚子裏的小寶寶真的是我們一起努力得來不易的禮物，雖然男主角嘅位可能比左Baby L，但我盡量留番個最佳位置畀你」，雖然仔仔未出世聽唔到，但呢番窩心說話，相信一定可以一次過冧晒兩位生命中的男主角。