容祖兒望明年開啟德騷 要照磁力共振維修自己

天后容祖兒今日（7日）現身灣仔出席熱氣球活動新聞發佈會，擔任活動大使的她表示觀看旅遊節目時，覺得國外的熱氣球好靚，但自己就未試過，很開心香港今次有熱氣球節日，可以在天空中見到不同動物，相信小朋友會好開心，加上9月天氣正好，適合出外玩吓食吓睇表演。 她又指到時如果可以會帶同弟弟的小朋友，笑言自己現在有好多角色，舞台上是表演者，台下則是受人尊敬的長輩，要想下如何與小朋友打成一片。她續分享契女梁浸浸細個與她遊船河時，見到她掉人落海，之後就有點閃避她，不過現在長大後便知只是玩，都有去看她澳門的騷。 問及她早前提過想在啟德開騷 ，她指今年底就一定趕不到，但希望下年可以，最主要都要看公司，自己最重要的是時刻保持身體狀態，更透露自己明天要照MRI(磁力共振），可能因為長期練舞加早前撞到，新傷加舊患的情況下，肩膊及膝蓋都相當痛，因此要「維修下」自己。 談及日前她為連鎖餐廳開騷順便敘舊，她笑指：「私底下見面都會嘅，但都係獨立咁樣，但咁樣一齊做一個騷，呢個機會真係難能可貴，可一不可再。（啲網友見到你同軒仔霆峰合照，建議整返個英皇騷）睇吓公司有冇咁嘅計劃囉。」問到公司財政上的消息，她指有聽過，但身為歌手知的事不多，而作為普通市民，就覺得近年來香港經濟都不好，這些集團式遇到的情況都好普遍，相信他們會有方法處理，不會太影響到公司的運作。