鍾雨璇澳洲遭遇扑車窗盜竊 冇保安連CCTV都影唔到

歌手鍾雨璇（O3）憑第一屆《超級巨聲》進身30強而入行，入行10多年的她，今年4月聯同2位高妹新人Melody和KK，即興組成女團RIVA再次出道。正跟家人在澳洲旅遊的她，日前拍片放社交網訴苦，她寫道：「一攞返部車O咗嘴，個玻璃爛Q咗，好猖狂！澳洲真係一個唔係好安全嘅地方，都係香港安全啲，I love Hong Kong」原本開心去旅行，租用的七人車卻被賊人扑碎車窗進行盜竊，認真掃興。 O3接受東網訪，講述不幸經歷，表示今次澳洲之行是跟弟弟夾錢請爸媽去旅行，因爸媽年紀大不能走太多路，乘坐公共交通工具相對不便，故只好選擇自駕遊：「其實最好係跟旅行社去出Trip嗰啲嘅，點知揀咗自駕遊跟住瀨咗嘢。」她表示事發地點是他們下榻酒店附近的一個停車場，出事後才發現該停車場原來並沒有保安員駐守，場內閉路電視的角度亦剛巧拍不到該車位，相信賊人因留意到她留在車內的背囊而犯案，透露損失財物包括現金及手提電腦等合共約港幣5萬元，至於車輛損毀要否賠償則要待租車公司通知。 O3笑稱自己黑仔，因入住酒店發生煤氣供應問題：「旅程第2日畀人扑車，第4日就到酒店冇煤氣，跟住我哋全部人要沖凍水涼，真係凍到人都癲呀！但唔係淨係我哋棟酒店冇咗煤氣，係附近嗰幾幢大廈都冇咗。」雖然接連發生不快事情，但她笑指就當作旅程的難忘回憶，透露今次旅程共10天，先留墨爾本5天，然後再到悉尼5天，日前已參觀過當地著名景點12門徒石，稍後會到彩虹小屋及Philip Island觀賞企鵝。