娛圈單打︱大數據傳來巨奶 彈彈吓真假難猜

都話夏天唔止為大地帶來美腿，仲會帶來女神晒巨乳玩水！冇花冇假，南韓年度盛事、夏日潑水音樂節《WATER BOMB 2025》日前舉行，多個社交平台，隨即被巨乳女神權恩妃嘅濕身辣舞片瘋狂洗版，不科學身材睇到人眼都凸埋！ 29歲嘅權恩妃，不嬲係WATER BOMB風頭躉，每次出現例不令人失望。今年佢以一件紅色格仔開胸短打，內襯白色比堅尼，配以牛仔熱褲上陣，不停喺舞台搔首弄姿、勁歌熱舞！女神畀人射到濕晒之餘，仲愈扭愈起勁，一對巨乳震撼搖晃，側奶差啲倒瀉！又扭又揈，有乜法子唔令人大叫「叔叔不行了」！ 之不過，女神身材實在太好，好到令人懷疑人生嘅地步！於是乎，社交平台又有一票人發出大哉問：究竟對奶堅定流？持正面意見者，認為恩妃巨乳望落軟綿綿，冇出現「石頭胸」情況，若然係「假體」，未免假得太真！如果假可亂真，個個都走去隆胸啦，使乜得個恨字！ 持反面意見者，則以色途老鬼自居，話恩妃人仔細細，官方公布體重只有44公斤，身上半點脂肪都冇，有乜理由所有脂肪只會集中於胸前，勁到連鬼妹仔都自嘆不如？仲言之鑿鑿話，南韓整容術貴為亞洲四大邪術之首，絕非浪得虛名，一口咬定係流嘢！ 喂，計本欄話齋，你阿媽大減價益你阿爸，有免費好嘢睇仲咁多聲氣，因住連個天都唔鍾意你！真作假時假亦真，變幻原是永恒，好睇咪得囉，理得佢真定假！本欄支持恩妃女神賣大包唔好停！大數據繼續傳送呢啲爽片就啱嘞，夏天就係要咁之嘛，係咪咁講先！