港姐2025︱「岳飛後人」身份遭質疑 霸氣自證：我敢講就係

無綫《2025香港小姐競選》今日（10日）安排初步入圍佳麗「變髮」，當中有現身嘅「岳飛後人」岳凡荻原來被質疑後人身份，更於社交網爆Seed出動「岳氏族譜」自證，好有火嘅佢霸氣以自身做證，牙齒當金使：「多謝大家關心！自從參選以嚟，好多朋友對我自稱岳飛後人嘅身份有疑問。其實1st in（初試）之前，我根本冇諗過會講呢件事。嗰日答『邊個Ngok』個問題時，講咗出嚟，咁啱有記者問你係咪岳飛後人？我就答係第35代，最後變成熱議話題。既然我敢講出口，就肯定唔會係流料㗎☺️！參選嘅意義就係要展現真實自己，發掘更多可能性。希望大家唔好只focus喺呢個title，可以睇多啲其他方面嘅我🥰多謝晒！」今次佢成功入圍，以靚樣證明實力。