港姐2025︱「蛇精女Ruby」戴仟羽退賽成眾矢之的

隨住今屆港姐12位佳麗曝光，其他選手亦紛紛於網上宣布退賽消息，除「黃曉明加持」朱綽盈宣布退選後，早前被指P圖重手嘅「蛇精女」黃詣如（Ruby）及23歲英國供讀碩士嘅戴仟羽亦齊齊宣布退賽。「蛇精女」Ruby發文指自己入到2025香港小姐50強已經好感恩，自嘲廣東話麻麻嘅佢，感謝TVB畀佢影咗咁多靚相：「見到咗高層 仲問咗我好多問題 仲好貼心咁同傳媒講我唔識粵語 同我講國語 雖然因為我嘅網紅妝同臥蠶畀網友鬧 但是我依然愛我的風格 接下來我要專心學業 提升自己。」 而學霸出身嘅戴仟羽則留言稱：「再見了香港小姐，退選就是我現在最好的決定這些日子 再三思量後還是決定學會取捨，離開不適合自己的圈子！感恩一直以來大家的愛❤️第一次面對鏡頭面對公眾，各位的支持讓我擁有很多的幸福🙏🥰」並會繼續完成其碩士課程，望於不同賽道繼續發光發亮。 惟二女出Post後，唔少網友均留言大鬧佢哋博宣傳，明明已退賽仍自稱為大熱，繼續打住曾參選港姐之名，疑有博流量之嫌。