曉格蘭特溫網睇波 比賽期間被影到瞓着勁尷尬

英國男星曉格蘭特（Hugh Grant）一向是網球迷，昨日他與老婆Anna Elisabet Eberstein 拍拖到溫布頓網球賽睇祖高域（Novak Djokovic）與哥保利（Flavio Cobolli）比賽，不知道是否場波打得太悶的關係，曉被大會影到比賽期間突然「睡魔急call」瞓着，認真搞笑！ 64歲的曉被影到與老婆進場時精神奕奕並與鄰坐的觀眾有講有笑，之後見到比賽期間曉戴上墨鏡，之後就被大會影到頭側側瞓着。曉格蘭特「溫網」搵周公的片段曝光後即於網上瘋傳，有網民同情曉指「場波好悶好難唔瞓」。 除了曉格蘭特之外，「蜘蛛仔」Tom Holland前日（8日）亦與細佬Paddy一同睇「溫網」並於比賽完畢與「勝者」西班牙名將艾卡華斯（Carlos Alcaraz）合照，事後Paddy亦有於社交網分享兩兄弟睇波照片。