足本訪問： 杜德偉10月重踏紅館開騷 林敏驄踩場放笑彈 63歲仍有心有力「脫掉」 自爆珍藏歷年招牌底底 恨孖兒子AJ父子檔演出 有機氹掂梁朝偉開金口？

【Viu】Alex杜德偉今日型爆出席《杜德偉GET UP 世界巡迴演唱會-香港站》，宣布將於10月18至19號喺紅館舉行，只限兩場！席間Alex冒雨獻唱兩首冧歌《愛變了這世界襯衣》同《擦身情緣》，完美示範「其實落雨又有乜好怕喎」金句！林敏驄亦專誠嚟支持好友，除咗狂放笑彈外，仲帶埋結他嚟同Alex合唱經典綜藝節目《點解咁好笑》主題曲《眼光光》，集體回憶返晒嚟呀，臨落台前仲錫錫添，呢啲咪男人的浪漫囉！Alex直言申請咗紅館檔期起碼3、4年，如果連入行40周年演唱會都攞唔到期，真心準備發火㗎喇，好彩兩個月前成功獲批，依家積極排練，準備咗好多驚喜畀Fans咁話！講到今日帶埋囝囝AJ嚟見歌迷，咁演唱會又會唔會父子檔表演呢？Alex就話早排睇BIG FOUR演唱會見到蘇永康同囝囝Jazz同台好感動，如果AJ嘅鋼琴演出有Jazz打鼓嘅水準，自己都Welcome㗎！至於網友最期待嘅《脫掉》環節，同埋嘉賓人選，Alex都大方劇透，想知老Best梁朝偉有冇機會開金口？睇足本訪問就知啦！ 瀏覽 Viu網頁觀看影片 瀏覽 Viu網頁