香港即時娛樂新聞網
現場實況: 「六膠」化身「六祓」狂玩食字Gag 驚喜再唱《To膠ther》 「二登大師」被「祓教師祖」阿正制止「祓女」 「登神」合體深情對話派洋蔥 許願做一世老Best Anson Lo笑談Edan爆喊:「你都有今日!」
來源 : NOW
更新 : 2025-08-18 00:22

【Viu】呂爵安嘅《EDAN LUI “e to E” LIVE 2025》嚟到第二場,「祓教大師」二登今晚邀得「六膠」化身「六祓」現身講經大會,二登仲尊稱阿正係「祓教師祖」,所有「祓經」都係由正姐構思;正姐即澄清Sisters係一齊度橋,但所有粗口諧音都係出自Edan,相信真相只有當事人知道喇!五膠難得齊人做嘉賓,梗係要送大禮賀Edan啦,點知竟然笑問係咪送「祓女」,嚇到正姐即刻制止老Best亂食字呀!其後Jeffrey、正姐、Hillary同肥腸拎出同兩年前一樣、寫上「我哋愛你」四個大字嘅Tee做禮物,阿正仲踢爆完騷後見到呢四件Tee「滯留」化妝間,好Sad囉!珈其最後拎出寫上「X」嘅Tee加入,順序組成「我哋愛X你」,仲可以馬上走位組成唔同用法,笑爆全場!最後Edan同五膠喺Tee上親簽,兼化身「送禮膠」益Fans,仲再唱《膠戰》新歌《To膠ther》,預告《膠戰S4》見!其後Edan邀得好兄弟Anson Lo做嘉賓,「登神」先後合唱港版《社內相親》主題曲《我與你的差距》同港版《大叔的愛》主題曲《突如其來的心跳感覺》,仲肉緊攬攬,當然唔少得深情對話啦!Edan坦言過去一年發生好多事,多得阿撈喺身邊陪伴同支持,慶幸入MIRROR識到佢,仲話AL係自己「老Best」添!阿撈亦話今年見過Edan喊咗幾次,好似同自己對調咗身份咁,笑指Edan「你都有今日」!想同Edan一齊又笑又喊就睇現場實況啦! 瀏覽 Viu網頁觀看影片 瀏覽 Viu網頁
已複製
https://ent.headline4hk.com/article/20250818/now/615268/
現場實況: 「六膠」化身「六祓」狂玩食字Gag 驚喜再唱《To膠ther》 「二登大師」被「祓教師祖」阿正制止「祓女」 「登神」合體深情對話派洋蔥 許願做一世老Best Anson Lo笑談Edan爆喊:「你都有今日!」
現場實況: 「六膠」化身「六祓」狂玩食字Gag 驚喜再唱《To膠ther》 「二登大師」被「祓教師祖」阿正制止「祓女」 「登神」合體深情對話派洋蔥 許願做一世老Best Anson Lo笑談Edan爆喊:「你都有今日!」