姜卓文再唔係理想情人 關嘉敏最愛竟然係佢

藝人關嘉敏（Carman）又在社交網上載新寫真，為無綫戀綜節目《女神配對計劃》落力做宣傳，今次她不賣性感，改行夢幻feel，穿上紅白格仔短裙，化上可愛的粉色系列少女妝，變身真人版Barbie，除造型亮麗，道具亦夠晒心思，特安排了一個比真人更高的粉紅色櫃扮包裝盒，兼且封了包裝膠，她留言：「Where’s my Ken?」，網民大讚她：「超級靚，好想買返屋企。」 Carman接受訪問時，表示今次是夢寐以求的拍攝工作，因本是Barbie迷，而攝影師更安排了她最愛的Barbie粉紅為背景色：「雖然我個樣似鍾意黑、白及藍色，但其實我係超鍾意呢隻色，我亦收藏咗好多Barbie周邊產品，但我身邊啲人就覺得我唔似鍾意呢啲，所以好享受呢個造型。」 問到她心目中的Ken是否《女》中的「配對情人」姜卓文（細John）？她表示：「大家要留意17號嘅《女神配對計劃》，因為我同細John嘅關係有好大好大嘅轉捩點，但如果畀我揀心目中嘅『Ken』，我一定揀C君（組合農夫成員鄭詩君）。」有謂C君的高度及外表跟 Barbie世界的Ken有「世上最遙遠的距離」？Carman卻說「情人眼裏出西施」，更隔空示愛謂：「喺我心目中嘅阿Ken係唔計外表，係講才華、內涵及上進心，我初戀男友就係有晒外在美，但佢係個渣男，我被人嚇怕咗。」 至於可否向C君公開示過愛？她細細聲說：「佢知㗎，我啱啱入行時，仲係組合Bingo年代，公司知我鍾意佢，所以搵咗佢為我哋第二首圑歌填詞，仲做埋MV男主角，我同C君張合照，都Keep咗成10年以上時間。」