超模Barbara Palvin自爆患子宮內膜異位症

31歲匈牙利超模Barbara Palvin昨日（17日）於社交網站上載自己於醫院病床的照片，展示肚皮手術後傷口，自爆患上子宮內膜異位症。她撰文表示：「我已經有好幾年面對月經嘅問題，疲倦、劇痛、嚴重同唔定嘅血量、喺浴室地板成晚痛到瞓唔到。我以為呢個只係自己問題。但最近我被建議睇子宮內膜異位症專家，睇吓徵狀關唔關事。本身我每年有做婦科檢查，以為有嘅話應該一早知，但原來子宮內膜異位症唔係一般檢查可以驗到。咁我去驗，3個月後就做手術。自此我終於感受到月經容易好多，依家知道個分別。」 她又呼籲女網友驗身：「如果你懷疑自己有子宮內膜異位症我鼓勵你去驗。佢幫到我好多，我好慶幸自己做咗。早期診斷同治療好重要，防止長期併發症，我依家對自己身體健康更有意識，病向淺中醫。呢個亦係我點解花咗3個月去休息同完全復原。我為人生新一頁感到興奮，已經準備好復工。」