《女神》順勢推短劇 曾展望唔怕被踢館追走葉蒨文

無綫戀綜《女神配對計劃》推出全新互動短劇《是咁的 我同女神sssss做咗室友》，今日（24日）女神葉蒨文（Sophie)、關嘉敏（Carman）、李芷晴（Step）及羅毓儀（Yuki）現身九龍灣出席見面會宣傳遊戲，曾展望（GM）擔任主持。 各位女神以特色表演揭幕，Yuki彈唱《女神之翼》、Carman展現動感舞技、Step以紙巾攻擊回應渣男復合、Sophie則與粉絲上演幽默合照環節。Sophie表示平時拍劇有對手，今次拍攝短劇雖要對住電話演繹但不覺尷尬，笑言自己的巧妙就是幻想出一個對象，GM就指遊戲推出前試玩了15分鐘，笑指選玩Sophie線時亦曾被另一個以特別方式出場的女神引至「轉軚」：「身為一個專業演員跟你哋學吓嘢。」 提及今晚播出的新一集《女神》中迎來踢館者，GM直言不怕有人踢館：「就算無人踢館佢（Sophie）都咁多人追」Sophie即指：「之前有啲囉，話晒我年紀都唔輕，有啲人追我係好正常嘅事。」GM續指有信心但亦要保持平常心。問及網上有評論指GM與張家輝似樣，張家輝又建議他專注事業，他則指首先很開心和感謝家輝哥的留言，自己亦會更專注事業，做多些有益於事業的事，令自己可以事業愛情兩得意，又透露之後會嘗試新類型的工作，更指歡迎找他與Sophie一同工作。問及兩人想一齊做甚麼工作？Sophie則表示：「可能都試吓綜藝，拍劇都想，可能古裝或者我哋演啲同自己性格好唔同嘅角色，反串性別都唔錯，我見過佢演女人都幾嬌俏。」