趙慧珊自認單身 認同不婚不生：我呢個歲數都生唔出

藝人趙慧珊（Aka)今日以錶面繪畫比賽評審身份出席慈善活動，Aka笑言以前經常參賽，到這個歲數後便做評判，未做過導師，表示好想嘗試做跳舞比賽導師，教人跳舞。 本身畫畫的她，透露正在修讀藝術治療課程，因為發現身邊有不少朋友受情緒病困擾，「有朋友有抑鬱，同佢哋傾傾有啲說話係唔可以講，希望學會專業知識後，可以幫到人。」她透露工作大計，將會為1位歌手設計年底的巡迴演唱會海報，問對方欣賞你設計，還是覺得你作品有治愈作用？「我諗兩樣都係，我同佢傾偈，了解佢背景，然後畫1個專屬嘅作品畀佢，（佢係你粉絲？）唔係唔係，但我好感動，會落力做好。」 明年1月準備開畫展，又計劃用畫展和歌曲設計1個沈浸式的演出。前隊友Super Girls成員Yanny明年一月到外地舉行婚禮，Aka表示會盡量度時間出席，問到何時輪到她出嫁？她透露現時單身，「成日見人講不婚不生，快樂一生，好似講緊我咁，少少認同，同埋到我呢個歲數都生唔出。」