18歲Bosco Kwan跳到甩鞋 學唔到花姐招牌粗口

【Viu】《全民造星VI》37位參賽者今日喺尖沙咀現身記者會，除咗指定動作跳唱《前傳》外，其中（52）DaiMa、 （82）Kit、（87）Winter同（92）Bosco Kwan孖Win Win跳唱，年僅18歲嘅Bosco仲跳到甩鞋，要師姐同主持Dixon幫佢挽鞋呀！講到花姐自爆有教年輕參賽者講粗口，Bosco就話冇得到真傳。佢哋仲話年輕參賽者的確多甩漏，所以今年特設「《造星VI》失物認領箱」，認真搞笑！至於（3）Yinhei、（9）Kenrick、（11）Louis同（21）牛牛就同Fatboy跳舞，面對「舞林高手」壓力當然大，仲要冇乜時間排練，今次算超額完成，Yinhei仲示範另類版「蜈蚣彈」添！（19）Dave、（25）Chester、（41）Jacky Fan、（57）Billy Chu 同（80）Harry Kwan就孖住Jeremy合唱《不枉我們一起過》，佢哋大讚師兄好Caring，獲點名讚靚聲嘅Dave同Jacky當然開心，被指有Ian氣質嘅Dave，亦希望可以同Ian合唱。而獲WinWin公開示愛嘅Harry，仲講到「紅都面晒」，想了解一班仔仔更多就睇足本訪問啦！ 瀏覽 Viu網頁觀看影片 瀏覽 Viu網頁