Gin Lee壓力面臨爆煲 粉絲送1物療愈

曾創下1年推出5首歌佳績的「實力唱將」李幸倪（ Gin Lee）近月似乎壓力爆煲，早前在社交網撰文感嘆時間不夠用：「每朝起身，都要深呼吸一口氣，再拎起個電話。呢幾個月海量嘅訊息、堆積如山嘅待辦事項，有時真係會令人抖唔到氣，直到某一刻停低，先感覺到深層嘅疲憊緩緩浮現，原來個身體同內心，都已經默默撐咗好耐。」令粉絲大表心痛，不過Gin好快又重新振作，皆因收到「史上最強充電寶」，就是粉絲的窩心問候，她在網上分享一張巨型果籃照，有波子青提、橙、蘋果和粉色鮮花，她鳴謝謂：「多謝你哋畀力量我（啲花同生果都好靚呀），我會繼續努力，唱多啲好歌畀大家聽。」而相中，Gin回復活潑，嘟嘴之餘又派心。 至於可令到「鐵人Gin」都頂不順的工作，可能就跟擔任選秀導師有關，她發文謂近幾個月幾乎將自己的生活擱置，心無旁騖和一班年人並肩作戰，還記得在接任導師時，帶住班「細路」踏入陌生又刺激的舞台，雖然她並非參賽者，但心情一樣忐忑不安，因她常有憂慮：「佢哋適應嗎？」、「進度跟得上嗎？」、「仲有咩要幫佢哋安排？」等等，幸好付出的心血沒有白費，眼見各「學員」由生疏幼嫩到現時的自信強大，每日都不停突破自己而感欣慰，亦因年輕人的努力，令她也一同成長，觸動到內心，同時因決賽逼近，學員變得愈來愈少，又令她多一份不捨得的離愁別緒，正所謂「一日為師，終身為父」，未嫁的Gin已感受到做父母之苦。