關嘉敏被老闆睇中處女直播帶貨 識兩日一撻即着

藝人關嘉敏（Carman）因無綫戀綜《女神配對計劃》人氣急升，近日，更獲台灣美妝品牌老闆垂青，特意來港與她合作做直播，Carman亦特別上了兩日課堂速變「化妝達人」，應付今次工作；首次做直播帶貨的她，被問到會否很緊張？Carman透露：「本來有少少緊張，但認識咗品牌創辦人文森老師之後，佢教咗我好好多嘢，亦都有考番我一啲問題，結果我全部答中晒，佢話我有呢方面嘅天分，可以考慮開美妝頻道，令我嘅緊張感減至零。」 Carman還指對方發現兩人的生日只差一日，以及大家無論性格、想法都好似，更同樣喜歡芭比粉紅，如此「啱Key」，正力追她的富二代Matthew是否有勁敵？Carman笑言：「哈哈！識咗兩日咋喎！」 Carman獲品牌老闆大讚「漂亮得來，親和力十足」，無論男或女觀眾都會喜歡她，故在《女神配對計劃》多位女神中選了她，對於Carman之表現亦十分滿意。 另外，Carman近日已到南沙為首次擔正女一的短劇開工，她直言今次拍劇充滿挑戰：「因為套劇係由古代穿越到現代，好多對白都係文言文，好難記，同埋好似精神分裂，一時現代，一時古代，不過，都好玩，好有挑戰性。」