沈震軒親回欠債傳聞：我需要賺好多錢！

藝人沈震軒憑電影《喜愛夜蒲》「蘭桂坊USB」一角走紅，他近日與梁烈唯、高鈞賢、黃祥興、黃嘉樂組成「好犀利男團」，加上五人總年齡超過200歲，一時引起網民熱議。其中沈震軒的加入嚇窒一班網民，更有人搞笑留言：「軒，條數好大咩？」逾6,000人讚好該則留言。沈震軒早前為網上節目宣傳時，幽默自嘲是劇中欠債主角「成奇勳」：「話說最近大家喺網上見到我唱歌跳舞，都知道我同『成奇勳』一樣爭人好多錢，同幾等錢使喇......所以我決定搏一搏。」沈震軒日前終於拍片回應「欠債」傳聞，自爆等錢使！ 沈震軒笑言見到很多人問他們是否爭人好多錢，沈震軒澄清：「我自己係冇爭人錢嘅！但係我係需要賺好多錢。點解呢？同大家一樣，我要養家，我亦都希望可以賺多啲錢，畀更好嘅生活我身邊嘅另一半。大家亦都知道我係Gym Room老闆，我亦都需要出糧畀我員工。」沈震軒指最主要原因近年轉型做製作人，狂賺錢為了投資製作短片：「大部分賺返嚟嘅錢都係投放去自己製作。」 沈震軒自爆今年計劃做導演拍電影，「需要大量資本、資金，可惜我唔係含金鎖匙出世，後面亦冇『金主爸爸』，所以我有咁嘅夢想，靠自己雙手爭取返嚟。」沈震軒指男團兄弟五人身為「中佬」為不同理想努力，他直言：「真心我覺得幾熱血。」