《聲秀》3位學員被淘汰 導師泳兒哭成淚人

無綫歌唱節目《聲秀》12日一集「歌手助力戰」圓滿結束，成功晉級的9位學員是（排名不分先後）：馮熙燮（Ryan）、蕭凱恩（Michelle）、胡子貝（Matt）、甄敏芳（Jenny）、林潔心（Bibi）、穎喬（Ziva）、布子殷（布子）、周智敏（Emily），及柯雨霏（Ophelia），至於陳卓怡（Hoonry）、張津銘、司徒泆（Haru）則被淘汰。 被淘汰的三位學員，均令導師大感不捨，其中Hoorny導師泳兒更傷心得哭成淚人。Hoorny先多謝泳兒：「多謝泳兒老師喺淘汰區度撈我返嚟，我覺得每一次都有盡力做到你提醒我嘅嘢，同埋做到最好，所以我無悔。」泳兒則喊到滿面通紅：「我同我自己講，Hoorny走嘅時候唔可以喊，但係我做唔到…其實我想恭喜Hoorny，因為你係我組入邊進步得最多嘅，我一直都冇諗過喺淘汰區度救你出嚟後你可以行到咁遠，同埋其實我係好鍾意你性格…起初我係驚你難相處，因為你喺舞台上面太霸氣，但其實真實嘅你係一個小妹妹，好得人鍾意，希望你繼續Keep住你對舞台嘅初衷，希望你有機會畀大家見到你得人鍾意嘅性格，繼續加油。」