柯煒林現身精神奕奕 羅毓儀帶林俊其「見家長」

由林敏驄、柯煒林（Will）、陳穎欣（Yanny）、盧慧敏（Amy Lo）、陳毅燊（ANSONBEAN）、蘇皓兒（Chloe So）、羅莽、馮素波、吳肇軒、陳苡臻，特別客串的伍詠薇、肥腸等主演的電影《觸電》。上映以來，截至10月12日累計票房 $1,809,648。隨着觀眾反應熱烈，院線亦不斷加開場次。 在剛過去的周末，電影台前幕後走訪各大戲院謝票，親身與觀眾接觸，而導演梁國輝更率領演員林敏驄、ANSONBEAN、羅浩銘、、吳苑汶，以及患上肺腺癌四期的Will亦有現身和觀眾一同睇戲，林敏驄表示其「家人」亦有前來支持，原來是與林敏驄在電視劇《下流上車族》飾演其妻的江美儀和其女兒的羅毓儀，林敏驄說：「今日我個親生女蔓蔓（羅毓儀）有嚟，佢仲帶埋個奀挑鬼命（林俊其）嚟見家長，佢媽媽車太（江美儀）都有嚟。」林敏驄問席上江美儀覺得電影是否好看，江美儀說：「絕！大絕呀！做乜唔搵我演？呢套戲真係好睇，希望票房一路上升。阿銘（羅浩銘）的動作編排真係好好。」林敏驄笑言：「佢話自己做得好過伍姑娘。」 之後，Will應司儀要求分享一個有關《觸》的小秘密，Will透露接拍過程已經要排除萬難，因為本來另有工作在身：「我同導演之前已經認識，受到導演邀請拍攝時，導演打電話畀我話有呢部戲，同時佢遇到一啲困難，當時我飛咗去台灣工作，當時與經理人討論，因為有其他工作，時間上未必配合到，經理人話呢部戲劇本係好，建議我去接，好多謝導演同經理人話畀我知套戲係好，最終做到，係一段好美好嘅緣分，多謝大家。」