Julianne Kissinger 誘人大懶精

人總係有啲惰性，好似今日為大家介紹嘅性感女網紅Julianne Kissinger，堪稱大懶精，當初因為一個「懶」字，投身模特兒界，更曾經為咗享受人生，躺平超過一年，偏偏懶得嚟，樣貌、身材Keep住正，難怪瞓喺度都有收入喇！ 投身模界 家陣唔少人希望躺平過日子，問題係生活有成本，除非身為富二代、富三代，或者早就實現財務自由，否則都係要繼續捱世界！而喺美國加州斯托克頓出生嘅Julianne Kissinger，雖然唔係出身於大富之家，但因為網紅事業撈得掂，吸金力超強，就算躺平兩年唔做嘢，依然唔使憂柴憂米，仲有本錢周圍去玩，實在係羨煞旁人！ 查實呢位網絡女神早喺19歲已開始做模特兒，當年憑住喺比堅尼小姐選美比賽中躋身最後五強而成功入行。佢話嗰陣時之所以有意喺模界發展，除咗因為貪靚，可以經常着靚衫，又可以周圍去，毋須困喺辦公室，最緊要係本身個性懶惰，好怕面對刻板工作，亦唔習慣準時返工，所以視模特兒係夢想工作！ 轉戰網絡 由於Julianne Kissinger嘅外形迷人，好快喺模界嶄露頭角，繼而成為新人王。可惜，佢喺守時方面始終做得唔好，因而失去咗一啲工作機會，而為免影響生計，有自知之明嘅佢決定發展網紅事業，頻頻喺社交平台派福利，上載火辣艷照，又透過OnlyFans平台推出尺度接近限制級嘅性感寫真，好快已引來大量網民關注。喺阿妹眼中，做網紅勝在夠自由，唔使準時工作之餘，想幾時推出寫真都得，仲可以隨時開直播同粉絲互動呢！ 隨住網絡人氣急升，Julianne Kissinger嘅惰性變本加厲，並計劃躺平兩年，盡情玩個夠，於是喺2023年底，一口氣拍咗超過10輯寫真，並且每兩個月推出一輯，等自己可以喺呢段日子乜都唔使做都有錢收，結果佢真係足足Hea咗年幾，直至早前先至重啟寫真拍攝計劃。 Profile 出生地：美國加州 身高：165cm 三圍：34DD-23-34 話就話係大懶精，但Julianne Kissinger一積極起嚟都幾Chur，喺社交平台上頻頻有新動作，除咗分享工作花絮，又預告自己會喺未來日子前赴歐洲拍攝新寫真，可以話係相當勤力！ 網址：https://www.instagram.com/juli.annee/