譚嘉儀再踏演唱會舞台感難得 恨與好姊妹組女團

歌手譚嘉儀近日在橫琴舉行巡迴演唱會，獲圈中好友黃嘉雯及鄧依婷等捧場。嘉儀在個唱中出盡渾身解數，不但大騷歌技，又自彈自唱兼大跳勁歌熱舞。事後嘉儀在社交網發表感受，她表示非常感恩：「今次呢個演唱會真係感受到全體工作人員都充滿愛和熱誠去籌備，舞台、燈光、音響、導演嘅編排和監製全部都配合得好完美，對我嚟講，又再得到演唱會嘅經驗，機會真係好難得。」她坦言成為獨立歌手後，沒想過今年還有機會再次踏足演唱會舞台：「由籌備整個演唱會到正式舉行，呢段時間過得非常之充實，閉關式咁練歌、做運動、跳舞排練，雖然有時都會覺得辛苦，但都給我一個好大嘅強心針，令我繼續向唱歌夢想努力奮鬥，好多謝你哋再次激起了我呢團火。」 而嘉儀接受東網訪問時表示喜歡的環節就是跳舞部分，她為此練習良久，不少歌迷事後也向她反映最愛這個環節。對於黃嘉雯及鄧依婷等好友特意由香港來到內地撐場，她大為感動，笑言：「好想邀請佢哋做我嘅嘉賓，我哋幾姊妹都未試過一齊合唱，應該好新鮮。佢哋幾個女仔都唱到歌，鄧依婷以前係女團出身，所以唱歌一定冇問題，黃嘉雯唱歌都唔錯架，之前同佢一齊唱過歌。（你哋可以組成女團？）當然好啊，好主意！」