熊黛林聞郭富城將再為人父 即落閘：睇唔到新聞但知道！

名模熊黛林（Lynn）、藝人朱千雪、簡淑兒和歌手Ansonbean今日現身活動，Lynn已近一年無在港出席活動，狀態甚fit，她透露近況，工作上重新與前經理人Kim合作，自言試過短暫做家庭主婦，生活就是等天光和等天黑，好悶及無聊，沒有了自我價值，透露之前與老公的話題也減少，感覺與社會脫節：「一開口就講買餸買米，40幾歲就咁過？仲有幾十年點算？（依家同老公多了話題？）自己有一半時間返內地做嘢，真係小別勝新婚，老公特別開心，日日通電話話好掛住我，以前日日見又冇咁sweet，我返嚟老公好黐身呀！」 Lynn表示現在有戲就拍，又會做直播，工作令她找回自信。早前Lynn45歲生日，收到孖女送花，透露孖女現在7歲多，開始有點反叛，會爭玩具打交及駁嘴，但尚算乖巧，自認是虎媽，管教方面好嚴厲，希望給小孩由細灌輸正確價值觀，問會否再追多個？表示不會，自言年紀不輕，較難修身，現在隔日做運動已經好辛苦，覺得兩個夠曬數。問可有留意舊愛郭富城將迎來第三胎？她即落閘：「睇唔到新聞，但知道啲，（恭喜佢？）你哋咁多人恭喜得啦！」 選美出身的朱千雪，一向著重扮靚，自言也算是扮靚達人，但不敢嘗試入侵性的醫學美容，笑言長期需要減肥，每日保持做gym，透露兒子一歲多，希望做到工作和家庭平衡，堅持每日送兒子返學、沖涼和陪睡，中間時間工作。與老公二人世界機會較少，原本計劃去一個短途旅行，但說了幾個月仍未實行，跟以前未生時可以即興去台灣打邊爐很不同，不過11月妹妹於加拿大結婚，將第一次挑戰帶兒子坐長途機。她與好姊妹湯洛雯時有聚會，表示每逢生日一定會慶祝，沒有跟湯洛雯講生仔經，分享經驗，應該好好享受二人世界，因為三人生活節奏便很不同。 另一位人妻簡淑兒（Jessica）自今年5月與拍拖4年任職機長的男友麥大力意大利舉行完婚後過咗闊太生活，深居簡出，她透露背後原因，原來患上腸胃病，試過胃痛到不能動彈，懷疑婚前刻意減肥，加上經常陪伴老公周圍飛導致水土不服，準備做一次全身檢查找出病因，所以生仔計劃都要推遲，待調理身體後，可能明年再算，自言心態也未做好準備，擔心未能做到好媽媽，也擔心老公經常不在家會應付不來，不過已同老公傾好，近來老公多了時間返寫字樓，在港的時間便較多，可以分擔做家務。問麥大力收入全數奉上？Jessica自爆並冇家用，不過屋企開支全部老公負責，但笑言：「如果有家用會開心啲，心意嘛！」