美澄衿依 成功減磅再派奶

好多女仔減肥減過龍，連本應有番咁上下斤両嘅車頭燈都縮埋水，可謂得不償失！之但係有唔少日本寫真女優嘅體質都異於常人，成功收身之餘，豐滿嘅上圍一啲都冇受到影響，今日為大家介紹嘅美澄衿依就有辦你睇！ 身材弗爆 近年日本寫真界湧現唔少混血美女，以童顏巨乳為賣點嘅美澄衿依就係其中一位。今年27歲嘅衿依，爸爸係美國人，媽媽係日本人，所以五官睇落好精靈，身材亦顯得相當豐滿，特別係心口嗰對G奶夠晒大，每次出鏡拍寫真，定必露出深長事業線，相當誘人。另外，阿妹得到媽媽嘅遺傳，全身肌膚白嫩緊緻，可謂極具透明感。 值得一提，呢位日美混血兒喺最近成功收身，體重比起最高峰時期減咗成接近10公斤咁多，望落弗咗好多，而更難得嘅係一對車頭燈完好無損，實在令人嘖嘖稱奇！ 不負支持 查實美澄衿依投身寫真界之前，已經喺家鄉福岡出道做藝能偶像，2021年參加選美活動「Galcon 2021」獲得亞軍後，順勢做埋寫真偶像。由於阿妹嘅外形着實太吸睛，工作量接踵而來，好快就推出首部寫真映像作品《Ellie》，又參加戀愛真人騷「戀之Last Vacation」，人氣亦愈嚟愈勁，仲被人稱為「棉花糖女孩」。奈何工作愈多，壓力亦愈大，有段日子為咗減壓，一到夜晚就喪食意粉，又或者喺便利店狂掃零食，搞到體重與日俱增！後來阿妹發覺身形開始走樣，再唔積極收身，實在有負一班粉絲嘅支持，所以好努力做運動，兼改變飲食習慣，家陣總算達成目標，魅力更遠勝之前呢！ Profile 出生地：日本 身高：163cm 三圍：35G-24-35 美澄衿依自從收身成功，頻頻向網友派福利，登入其社交網，就可以見證佢嘅成果，仲可以了解多啲呢位混血美女嘅生活點滴呢！ 網址：https://x.com/ermrdayo