香港即時娛樂新聞網
港夫偕妻北上隔籬房會小三斷正 妻拍門捉姦大鬧酒店:「你叫你隻雞出嚟,大家對質下!」|Juicy叮
來源 : 星島
更新 : 2025-10-14 10:09

網上瘋傳多段懷疑港妻北上酒店捉姦的片段,有傳指一對本港夫婦北上,丈夫竟在酒店隔籬房安排小三入住,藉機幽會結果斷正。正印妻暴怒房門外激動拍門捉姦,驚動大批酒店房客圍觀,據住客在網上留言指,事件擾攘至凌晨,其後有公安到場。港夫偕妻北上隔籬房會小三斷正 妻拍門捉姦大鬧酒店:「你叫你隻雞出嚟,大家對質下!」↓↓↓↓網上流傳四段事發時影片,但未知確實發生時間及地點,流傳影片指事件涉及一對本港夫婦,該港夫「同老婆住酒店,叫只(隻)雞住隔離,扮肚痛出去買藥,去隔離(籬)房叫雞」,其後遭港妻發現,暴跳如雷直奔隔籬房捉姦。「借藥借到個老女人間房到,咩事呀!」影片估計由在場酒店住客拍攝,首段影片拍攝者躲在一角,偷偷拍攝港妻在門外激動大罵丈夫:「你同人哋講,借藥借到個老女人間房到,咩事呀!」港妻怒氣衝天,聲如洪鐘:「一個男人走去個女人間房,唔係搞嘢做乜嘢呀,你真係覺得你講得通呀!」畫面看到開始有住客被驚動,開門探頭察看,亦有住客路過,這時疑似港夫隔門向妻子解釋,但因聲音太細未有錄到,只聽到港妻非常不滿丈夫的解釋:「你唔好以為你講啲大話可以呃到我,晨早我呢世唔會信你㗎啦,唔該你收聲啦!」懷疑人夫這時以笑聲掩飾尷尬,港妻即爆粗大罵:「仲笑,笑你老母啦,第時你畀人偷食啦,戇X,廢柴!」爆夫姓名:「你勁呀!周XX!......60歲都嚟啦」第二段影片聽到港妻越來越激動,怒氣沖沖地大罵丈夫,更大爆丈夫姓名及表示已報警:「你勁呀!周XX!我報警呀......你係人哋間房出嚟呀......我唔知你做乜呀!點解係人哋間房走出嚟.....」她又大罵該小三為「老虔婆」:「我估為咗個老虔婆,我都鬧到佢屎忽咁樣,60歲都嚟啦,你都照過,你老母呀,約埋啲雞落嚟,廢柴!」「搞完一次又一次,第三隻雞啦」第三段影片,港妻再在房門外大數丈夫接二連三嫖妓往績,又聲言會向丈夫的上司投訴他:「其實一個人做到你咁賤都犀利,我試下同呀陳生講,睇下你有無臉呀,吓,公務員請著啲咁嘅人真係好笑,公咩務員啫你,辭職啦,辭職啦廢柴,做公務員做到你咁無道德,搞完一次又一次,第三隻雞啦,第三隻雞啦!」港妻又批評丈夫在她面前仍敢與小三幽會,賤格如地底泥:「依家隻雞約埋係酒店房,勁喇!我仲要係到你都可以咁樣,咁X刺激呀!」「你啲男人真係賤X到地底泥咁呀,我哋上嚟佢又跟埋你,你不如娶佢做老婆啦!」住客圍觀訕笑 港妻金句連連:「喔喔叫,扭下扭下嗰啲呀!」第四段影片可見已有大批住客圍觀,不少人在走廊「看熱鬧」,不少人聽到「精彩處」亦紛紛忍俊不禁,傳出訕笑聲,而港妻則繼續屢爆金句捉姦。片中,現場懷疑有酒店職員或保安人員到場,並一度進入房內,人員向港妻了解情況,港妻即一語雙關地解釋在現場捉姦,她首先指房內是丈夫的小三:「臭雞囉,喔喔叫,扭下扭下嗰啲呀,我老公嘅小三呀,係呢到呀!」至於她的丈夫,她又向在場人員表示:「無面見人呀,同隻雞一樣,閂埋道房門呀,唔X開門畀人睇佢嘅死人樣呀!」終一睹小三樣貌:「老人腳都𡁻得落嘅!」她又聲言已看過小三的廬山真面目:「我已經見到佢嘅死人樣啦,又老又瘦囉,老人腳都𡁻得落嘅!」面對在場人員再三詢問,港妻顯得非常不耐煩:「佢養埋啲雞係到呀,什麼樣情況......」這時丈夫似在房內向人員解釋,港妻對丈夫解釋非常不滿:「哎呀,你繼續講啦,雞就雞啦,你叫你隻雞出嚟,大家對質下啦!」她越說越氣,怒罵道:「嗰隻雞,我叫到佢出嚟?!約佢係到嗰個係你呀!我點叫到佢出嚟呀,你隻雞有面見人咩?無開到門呀,全程係到匿埋,好似你咁呀!」大吵至凌晨 住客稱有公安到場:「報了警2次」影片瘋傳後,數名網民在社交平台聲稱住在同一酒店,當時在現場,他們指有公安其後到場:「我係現場佢由12:00X到凌晨4:00,報了警2次。」「我睇到呀,公安上埋去。」事件引發網民熱議,不少人大吃花生:「應該做太多古惑嘢引起大婆起疑心揭發 。」「真係充滿花生味道,但係點解叫到咁近?」「隔籬飯香?」在內地,嫖客行為屬違法,會受到行政處罰,根據《中華人民共和國治安管理處罰法》第六十六條,賣淫、嫖娼的,處十日以上十五日以下拘留,可以並處五千元(人民幣)以下罰款;情節較輕的,處五日以下拘留或者五百元(人民幣)以下罰款。 同場加映:港女深圳霸氣捉姦 「抄家式」沒收渣男手機鎖匙:「你咁X開心,以後唔使返嚟啦!」渣男二奶咁反應↓↓↓↓
已複製
https://ent.headline4hk.com/article/20251014/stheadline/3508269/
港夫偕妻北上隔籬房會小三斷正 妻拍門捉姦大鬧酒店:「你叫你隻雞出嚟,大家對質下!」|Juicy叮
港夫偕妻北上隔籬房會小三斷正 妻拍門捉姦大鬧酒店:「你叫你隻雞出嚟,大家對質下!」|Juicy叮
熱門娛樂新聞
更多