林子祥冇阻止太太除衫 葉蒨文語出驚人：個騷係做緊愛

殿堂級歌手林子祥（阿Lam）與太太葉蒨文（Sally）事隔27年再合體，於紅館舉行的5場演唱會昨晚完滿結束，演唱會去到尾段，經驗豐富的阿Lam準備獻唱金曲《選擇》時，現場歌迷已經起哄大合唱和歡呼，打斷了入歌的時機，他笑說：「入唔到。」稍作調整後繼續獻唱。去到最後Encore還節Sally為阿Lam送上驚喜，邀請了楊千嬅、莫文蔚、阿Lam兒子林德信和女兒林德懿齊齊上台大合唱，眾人又唱又跳將氣氛推向高峰，為演唱會寫下完美句號。隨後他們會先休息，之後將會到內地包括佛山、成都等地進行巡唱。 阿Lam與Sally完騷後接受訪問，日前在演唱會中三代同堂度過78歲生日的他覺得演唱會是一分大禮物，透露最初可以選擇地方較大的啟德體育園開騷，但最後也選擇紅館，覺得紅館感覺親切得多。Sally認同指紅館能見到所有觀眾、朋友的樣貌，相當溫暖，也很喜歡和像家人一樣的歌迷互動。 講到演唱會邀請了不少嘉賓上台合唱前晚有陳奕迅，昨晚則有莫文蔚、楊千嬅等，Sally則說：「我知道Karen、千嬅佢哋嚟睇騷，就text問佢哋可唔可以上台，本來唔話畀佢哋聽，但尋晚Eason好擔心佢個頭髮，咁女仔咪仲擔心頭髮，所以就話聲畀佢哋聽，但係佢哋都冇時間去執，但我鍾意佢哋最自然嘅樣，咁係最開心，我哋個騷係講自然，唔係做緊騷，係做緊愛，要畀愛。」Sally語出驚人引來現場一陣笑聲，阿Lam也忍不住笑並補充說：「佢係講同啲觀眾做愛，要聽清楚啲先、寫清楚啲先。」 Sally連日來演唱會唱跳時除去外套，騷身材勁歌熱舞，她笑說：「咁大年紀真係唔係幾好意思，但真係好熱，同埋件衫好緊，真係好唔想換衫，我想好似謝霆鋒咁原全唔使換衫。」阿Lam被問到是否有阻止過太太除衫﹖他則笑說：「有咩可以阻止到佢。」講到孫女上台和爺爺慶祝生日會不會驚驚﹖Sally則覺得孫女很鍾意音樂，15個月已經在家跟住她們練歌，很有音樂細胞。 講到早前Sally生日，阿Lam送上蛋糕時不慎跌倒，面部着地，滿身是血，她說：「佢成塊面撻咗落地，好震驚，見到佢個鼻扁晒、成身血，好似唔認得我哋咁，又唔敢話畀佢聽個鼻扁晒，問佢感唔感覺到個鼻，佢話有個鼻，即刻送佢去醫院，好彩醫生檢查完話冇乜嘢，佢一跌親我心諗自己點一個人做呢個騷，真係上天保佑。」阿Lam則笑說：「分分鐘跌一跌個鼻正番，唱歌抖氣好似仲舒服咗。」