李幸倪入場睇波 揭父親球壇神秘身份

前晚的亞洲盃外圍賽香港對孟加拉全城矚目，就連李幸倪（Gin Lee）也被吸引入場，於一片紅海的啟德主場館吶喊助威，感受超震撼的主場威力。她上載與父親入場睇波的相片，原來李父不止球迷咁簡單，還做過球證，Gin發文：「好耐冇同爸爸二人行，仲要係第一次一齊睇足球。同老竇去都幾開心，有咩唔明就問佢，佢又會同我分析啲隊形同戰略。唔講大家唔知，我細細個屋企有好多好多足球獎盃，佢除咗踢波仲做過球證，返到屋企都仲同我講解做球證嘅冷知識。」雖然香港隊主場失分，不過Gin沒有氣餒，拉起「香港隊勁揪」的手幅，最緊要下場加油。除了感受了一場氣氛熾熱的球賽外，Gin又感謝港隊帶給她有趣又溫馨的時光，睇完波去吃消夜，一於父女撐枱腳。