小S走出陰霾笑笑口睇戲 意外揭二女有個高大男友？

台灣女星小S（徐熙娣）自家姐大S（徐熙媛）離世後，一直以傷心過度未能工作為由小休幕前，近日有指小S於過兩日將復工現身《金鐘獎頒獎典禮》，原來佢已經走出大S病逝陰霾，日前聯同二女兒Lily（許韶恩）及一位高大小鮮肉去睇戲，心情靚爆，愁眉不再。 台媒上月30日晚間6點多，直擊到小S、Lily及一名年輕男子到台北影城高檔影廳觀賞電影，氣色狀態極佳，完全唔似當初大S離世時佢暴瘦悲痛狀態。直至晚上近9點電影散場，3人走出影廳，小S戴住黑色口罩，邊走邊同女兒傾偈，而Lily比小S高10cm嘅高挑身材與一雙超長美腿，配上仙氣臉蛋，令路人行經母女身邊時都忍唔住多望幾眼。 等候電梯時，小S除同Lily講嘢，亦不忘同年輕男子說話，見佢他手指住小鮮肉，似足長輩告誡晚輩，對方平靜地回應小S，表現自然，互動上睇二人並不陌生，期間小S撥弄自己頭髮，又會握住撳電話嘅Lily隻手。此外，觀察3人穿着，男子同Lily都戴黑色帽，腳踩黑色皮鞋，兩人身高相近，打扮都幾搭，外型被指十分登對，即令人聯想對方有可能係Lily男友。對此，小S經理人否認該男為Lily男友：「那是公司同事Ming，他的鞋子有增高。」