王丹妮考慮搬屋 全為小朋友入心儀學校着想

藝人王丹妮（Louise）與和泉素行晚上（16日）出席新車發布活動。Louise透露已擁有4年牌齡，因當年拍完《梅艷芳》並等待上畫前她不能曝光，故趁空檔完成幾個人生目標，包括學車、人像掃描及策騎，她説：「難得有大半年時間可以做王丹妮想學嘅嘢！」她笑稱自己手腳不協調，自爆拍攝《梅》期間花了有不少時間練舞步，學策騎有助訓練協調性，至於畫畫則可以獨自進行不用找拍檔，兼可以享受Me time問到有否找老公當人像素描模特兒？她説：「我哋互畫，但佢畀我嗰張我認唔到自己，直頭唔係亞洲人，哈哈！明明同一個老師。（老公都有學？）我有拉佢學咗幾堂，我有濃厚興趣，佢就被我半推去，但都多謝佢肯支持，我一坐喺度畫就6至8個鐘，佢就陪足我咁多個鐘。」她指畫素描當中包含以手「摔」的技巧，因當時仍為新手未夠熟練，當送老公互畫像時，被對方嫌她「摔」出來的他很污糟。 Louise透露早前回澳洲學會射箭及射擊，稍後希望加強自己舞技幫助演戲，打算捉自己團隊同事一起學跳K-pop，又稱小學學過中國舞，但實在太難。談到駕駛，她笑稱有車位但未有車，正物色一輛家庭車，方便平日可接載家人出外遊玩，或自己兜風放鬆。談到這幾年工作不斷收入理應盆滿缽滿，問到是時候買車買樓？她笑稱自己入行不久仍是半新人，但坦言現時市道不景下，自己每年仍有作品跟大家見面已相當感恩，她說：「唔夠膽亂咁買嘢，生活必須品會買。（住都係必需？）要就小朋友讀書，下年讀中學，希望佢搵到心儀學校，到時再考慮搬去就近啲。」她表示自己有投資，但以穩陣為主不敢試高風險項目：「我對金錢好審慎，因為自己捱過，做過好多唔同工作，所以投資會好小心選擇，為屋企人努力儲錢。」