古淖文自認高大靚仔歌精舞勁 來港比賽以為必勝

《中年好聲音2》冠軍古淖文（Germano）得獎後，於澳門及香港先後舉行4場首次個唱，相隔7年近年推出個人派台歌《OH YEAH!》，他憶述當年首次來港比賽的自負，他說：「覺得自己高大靚仔唱歌跳舞都勁，諗住贏硬！」結果只得第五名及最佳台風獎，他簽約亞視留港發展5年，稱月薪不足以生活，幸有前輩帶他出埠登台及澳門父母的經濟支持，又謂：「月薪得7000蚊，都無辦法，問澳門阿媽攞住先，屋企人佢哋一定幫。」他慶祝自己沒有家庭負擔，父母毋須他供養，可容許他一直追夢，又說：「廿幾歲都問阿爸阿媽攞錢唔羞愧，哈！因為阿爸、阿媽係公務員，都有積蓄，亦擔心我呢個獨仔，咁我當時搵唔到吖嘛，我搵到畀番佢哋，都係應份。」又自爆過去10年因歌手變成宴會主持，自感懷才不遇於2019年時情緒出現問題。 談及他受Haters攻擊，他說：「成日話我人妖呀，係人哋嘅契仔兼私生子，我覺得得啖笑！」現時的他EQ提升，不會再受抨擊影響心情，因他明白無法取悅所有人，最緊要了解自己、愛自己，要做好自己想做的事。至於樂壇前輩甄妮都指他「油膩誇張」，他表示說：「唔介意，反而開心，殿堂級前輩都留意我，就要虛心學習。」