金式森林︱郭柏妍床戲大挑戰 最大心理障礙掂羅天宇

台慶劇《金式森林》於（17晚）一集，方學賢（羅天宇飾）及高靜（郭柏妍飾）這對笑料百出的歡喜冤家、為緊張的劇情起了很好的平衡作用。演開乖乖女的郭柏妍，今次突破框框飾演「孤寒原則王」高靜，就連一杯珍珠奶茶，都可以說出一大堆不應該買的理由。高靜之所以認識學賢，是因有天方芷君（江嘉敏飾）意外以學賢的車子撞爛了高靜座駕的倒後鏡，為了找出真兇追討回HK$6,000 的維修費，高靜踏破鐵鞋找到學賢，並且一見男方即一輪嘴問對方索償：「你仲爭我 6,000 蚊！你好快啲還番錢畀我」、「方學賢，你好快啲賠錢畀我呀。」 由於學賢當時嚴重酒醉，竟將「討債鬼」高靜誤認做是已離世的母親，並將高靜撲跌在酒店房的床上，嚇得高靜連環大叫：「方學賢，你好重呀」、「你唔係瞓着咗呀嘛，醒呀」、「我嚟係叫你賠錢架！」最終叫至筋疲力竭的高靜，連緊抱着學賢睡着了也不自知…。另一幕高靜為了演唱會門票，不惜假扮學賢未婚妻之餘，更願意着住浴袍與天宇打情罵俏；不過期間由於學賢踩得就踩，氣至眼都凸的高靜喪搣對方 Pat Pat，十分搞笑，而郭柏妍的清純浴袍 Look 在網絡自然吸獲不少關注。 監製林志華透露，這場床戲雖然看似搞笑又簡單，其實不但拍了足足一個晚上，而且還因為怕醜底的郭柏妍與天宇攬得不夠肉緊，最後要重拍收場！談到該幕演出，羅天宇接受官方訪問時笑言由於與郭柏妍都是「超級慢熱」的人，故與對方拍攝床上戲確實存在「好大心理障礙」：「之前我都拍過嘅，但一嚟我同王敏奕好Friend，又或者係黃智雯、龔嘉欣佢哋 Lead 住我。但今次我對手驚哩，咁我就更加驚。」 郭柏妍受訪時則笑言自己最大心理障礙是觸碰天宇：「因為我唔係好夠膽去掂到人哋嘅身體。」並感激劇中哥哥羅子溢專誠探班、兼親身示範如何落手搣天宇：「我好感激佢，佢係我哋嘅催化劑。我阿哥其實非常擔心我哋，成日話：『你哋快啲熟落啲啦』。有次我哋咁啱有聚會，佢就叫我哋試吓唱歌，跟住我哋就好似各顧各咁去唱自己嗰 Part，都幾得意。」郭柏妍又大讚子溢是很熱心的前輩：「佢係非常好架，成日好大方分享演戲經驗。」 除了與天宇的床上戲及浴袍 Look惹關注，以美腿見稱的郭柏妍、亦憑第14集的一個食餅鏡頭在網上引發熱討，原因是穿了套裝短裙的她、坐在椅子上搖來搖去，如此簡單一幕竟獲網民激讚勁有美感，相關畫面更在討論區瘋傳。 其實郭柏妍在《金式森林》除大晒招牌長腿，還晒了一系列可愛表情包！由於高靜是「原則王」，除經常大條道理、性格亦偏向唔認輸，故與哥哥高深（羅子溢飾）及學賢經常鬥嘴，而每次她總會露出一副招積、鬥氣或是唔忿氣表情，Cutie指數爆燈。 另外，身穿橙色泳衣的陳星妤，向老公陳浚霆瘋狂繳功撒嬌求獎勵，期間二人不但攬到實一實，星妤更會一嘢跳向陳浚霆懷抱大玩「人肉 360旋轉」。對此，陳星妤透露拍攝當日是自己第一日開工，並謂拍攝轉圈戲份時，全靠陳浚霆幫手遮着重要部分防走光。至於陳浚霆，則強調事先有與星妤做好溝通，並笑言由於拍攝時要顧慮太多事情，所以全程拍至「唉唉聲」，相當搞笑。