莊思敏工作被拖數 借錢畀人又收唔番：欠債人態度勁差

藝人莊思敏(Jacquelin)本月8日與拍拖不足兩年圈外男友黃耀彬（Matthew）於峇里秘婚，婚禮完後Jacquelin即撇下老公返內地工作。昨日出席短劇《美麗定制公式》開鏡儀式努力搵錢，見Jacquelin紅光滿面，晒V顯得好開心，表示與合作團隊很愉快。提及她於社交平台出po呻有人借錢不還：「追數真係超煩，欠債人態度仲要勁差。」莊思敏回覆東網，表示自己是真金白銀借錢給朋友，要求還錢不遂，她說：「錢唔係好多，不過條氣唔順。我發誓唔會再借錢俾人，借畀AI都唔借畀人，起碼AI唔會呃我。」又指市道欠佳，之前有些工作被拖數，可謂傷上加傷。