曹永廉牛一北上搵蕭正楠 宣布組團搵養老金

藝人曹永廉日前迎來61歲生日，出名勤力的他未有選擇放假慶祝，反而舟車勞頓花上多個小時車程以抵達連州，為自己與好兄弟蕭正楠（阿蕭）11月底於當地舉行的演唱會拍片宣傳造勢，不過他卻帶來好消息，宣布與阿蕭組成組合「最佳拍檔」，日後將有更多合體演出的機會。 談到這位「最佳拍檔」，曹永廉感恩表示：「佢可以話係同我喺劇集種種，合作的最多嘅一位，組團後我幫佢搵奶粉錢、佢幫我搵養老金囉，哈哈！不過嚟緊我都有啲擔心，因為今次個演唱會係全新歌單，除咗要記過晒啲歌詞，嚟緊仲要排簡單嘅舞步，真係考起我。（唔擔心Hey Brother嘅幾位拍檔『呷醋』？）唔會啦，嚟緊Hey Brother都將會出新歌嘞，連MV都拍咗，佢哋好支持嘅。」 而談到生日，曹永廉透露獲一眾好友包括阿蕭及製作公司的代表等等，推出蛋榚給他製造驚喜。他補充：「生日開工都好開心㗎，意頭又好。其實抵達連州前，我仲同阿蕭先去佛山影演唱會海報，今次製作好認真，我哋著埋兄弟裝合照，佢其中一套靚衫仲稍稍晒胸肌，邊度夠佢玩？」